Vendimi i ZRrE-së për 800 kilovat, Tahiri: E rëndon gjendjen, të anulohet sot

11:46 | 8 Shkurt 2022
A Z

Bordi i ZRrE-së ka aprovuar rritjen e çmimit të rrymës për konsumatorët që tejkalojnë konsumin mbi 800 kilovat, tarifa për ta do të jetë 12 cent më e larta dhe 6 cent më e lira.

Me fillimin e seancës së Kuvendit, shefi i grupit parlamentar të PDK-së, Abelard Tahiri tha se ky vendim duhet të anulohet sot.

Ai kërkoi që të mbahet një debat parlamentar rreth shtrenjtimit të rrymës, pasi siç tha ai, kjo e rëndon gjendjen e Kosovës.

“Kërkojmë që ta kemi mocion procedural ta fusim një pikë ku do të debatojmë për këtë vendim. Vërtetë e rëndon gjendjen jashtëzakonisht shumë në Kosovë. Ky vendim të anulohet sot. Ky është realitet i hidhur në vendin tonë, realitet që s’mund ta përballojë asnjë qytetarë”, tha ai./arbresh.info/